ਵਿੱਦਿਆਰਥੀ ਚੇਤਨਾ ਪਰਖ ਪ੍ਰੀਖਿਆ ਹੁਣ 2 ਅਤੇ 3 ਸਤੰਬਰ ਨੂੰ

ਤਰਕਸ਼ੀਲ ਸੁਸਾਇਟੀ ਪੰਜਾਬ ਨੇ 26 ਤੇ 27 ਅਗਸਤ ਨੂੰ ਹੋਣ ਵਾਲੀ ਵਿਦਿਆਰਥੀ ਚੇਤਨਾ ਪਰਖ ਪ੍ਰੀਖਿਆ ਜੋ ਕਿ ਮੁਲਤਵੀ ਕਰ ਦਿੱਤੀ ਸੀ, ਦੀਆਂ ਦੁਬਾਰਾ ਤਰੀਕਾਂ ਤਹਿ ਕਰ ਦਿੱਤੀਆਂ ਹਨ। ਇਸ ਪ੍ਰੀਖਿਆ ਦੀਆਂ ਅਗਲੀਆਂ ਤਰੀਕਾਂ ਇਹ ਹਨ-- 26 ਅਗਸਤ ਵਾਲੀ ਪ੍ਰੀਖਿਆ 2 ਸਤੰਬਰ ਨੂੰ ਅਤੇ 27 ਅਗਸਤ ਵਾਲੀ ਪ੍ਰੀਖਿਆ 3 ਸਤੰਬਰ ਨੂੰ ਹੋਵੇਗੀ। ਸਿਰਫ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦੇ ਜਿਹੜੇ ਸਕੂਲ ਅਜੇ ਬੰਦ ਹਨ ਉਹਨਾਂ ਬਾਰੇ ਤਰੀਕ ਬਾਅਦ ਵਿੱਚ ਤਹਿ ਹੋਵੇਗੀ। ਸਾਰੇ ਤਰਕਸ਼ੀਲ ਜ਼ੋਨ, ਇਕਾਈਆਂ, ਸਬੰਧਤ ਟੀਚਰ ਅਤੇ ਵਿਦਿਆਰਥੀ ਇਸ ਵਾਸਤੇ ਲੋੜੀਂਦੀ ਤਿਆਰੀ ਕਰ ਲੈਣ।

ਰਾਜਿੰਦਰ ਭਦੌੜ

ਸੂਬਾ ਜਥੇਬੰਦਕ ਮੁਖੀ

ਤਰਕਸ਼ੀਲ ਸੁਸਾਇਟੀ ਪੰਜਾਬ

ਤਰਕਸ਼ੀਲ ਸੁਸਾਇਟੀ ਦੇ ਜ਼ੋਨ ਲੁਧਿਆਣਾ ਦੀ ਮੀਟਿੰਗ ਵਿੱਚ ਸਮਰ ਕੈਂਪ ਲਾਉਣ ਦਾ ਲਿਆ ਫੈਸਲਾ

ਲੁਧਿਆਣਾ, 6 ਮਈ 2023(ਹਰਚੰਦ ਭਿੰਡਰ): ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਜ਼ੋਨ ਲੁਧਿਆਣਾ ਦੀ ਮੀਟਿੰਗ ਅੱਜ ਜੋਨ ਦੇ ਦਫ਼ਤਰ, ਬੱਸ ਨੇੜੇ ਸਟੈਂਡ ਵਿਖੇ ਹੋਈ ਜਿਸ ਵਿੱਚ ਲੁਧਿਆਣਾ ਜੋਨ ਦੀਆਂ ਪੰਜ ਇਕਾਈਆਂ ਦੇ ਨੁਮਾਇੰਦਿਆ ਨੇ ਭਾਗ ਲਿਆ। ਇਸ ਸਮੇਂ ਤਰਕਸ਼ੀਲ ਮੈਗਜ਼ੀਨ ਦੀ ਵੰਡ ਉਪਰੰਤ ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਹੋਏ ਡੈਲੀਗੇਟ

ਇਜਲਾਸ ਬਾਰੇ ਵਿਚਾਰ ਚਰਚਾ ਹੋਈ ਅਤੇ ਇਸ ਬਾਰੇ ਉਸਾਰੂ ਪਹੁੰਚ ਅਪਣਾਉਂਦਿਆਂ ਤਰਕਸ਼ੀਲ ਨਜ਼ਰੀਆ ਵਿਕਸ਼ਤ ਕਰਨ ਤੇ ਜੋਰ ਦਿੱਤਾ। ਜਿਸ ਵਿੱਚ ਹਾਜ਼ਰ ਅਹੁਦੇਦਾਰਾਂ ਨੇ ਸੁਸਾਇਟੀ ਦੇ ਕੰਮ ਦੇ ਪ੍ਰਚਾਰ ਪ੍ਰਸਾਰ ਵਾਸਤੇ ਅਹਿਦ ਲਿਆ।

ਮੀਟਿੰਗ ਵਿੱਚ ਬੋਲਦਿਆਂ ਜੋਨ ਮੁਖੀ ਜਸਵੰਤ ਜੀਰਖ ਨੇ ਕਿਹਾ ਕਿ ਵਿਦਿਆਰਥੀਆਂ ਵਿੱਚ ਵਿਗਿਆਨਕ ਚੇਤਨਾ ਪੈਦਾ ਕਰਨ ਵਾਸਤੇ ਵੱਧ ਤੋਂ ਵਿਦਿਆਰਥੀਆਂ ਦੀ ਚੇਤਨਾ ਪਰਖ ਪ੍ਰੀਖਿਆ ਵਿਚ ਸਮੂਲੀਅਤ ਕਰਵਾਈ ਜਾਵੇਗੀ। ਜੋਨ ਦੇ ਸਭਿਆਚਾਰਕ ਵਿਭਾਗ ਦੇ ਮੁੱਖੀ ਸਮਸ਼ੇਰ ਸਿੰਘ ਨੂਰਪੁਰੀ ਨੇ ਜੂਨ ਦੀਆਂ ਛੁੱਟੀਆਂ ਵਿੱਚ ਵਿਦਿਆਰਥੀਆ ਵਿਚ ਸਭਿਆਚਾਰਕ ਪ੍ਰੋਗਰਾਮ ਦਾ ਟ੍ਰੇਨਿੰਗ ਕੈਂਪ ਲਾਉਣ ਵਾਸਤੇ ਏਜੰਡਾ ਰੱਖਿਆ ਜਿਸ ਨੂੰ ਪਰਵਾਨਗੀ ਦਿੱਤੀ  ਗਈ ਤੇ ਮਾ. ਤਰਲੋਚਨ ਸਿੰਘ ਨੇ ਵੀ ਭਰਵਾਂ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ। ਇਸ ਮੀਟਿੰਗ ਵਿੱਚ ਉਪਰੋਕਤ ਦੇ ਇਲਾਵਾ ਆਤਮਾ ਸਿੰਘ, ਮਾ. ਤਰਲੋਚਨ ਸਿੰਘ, ਬਲਵਿੰਦਰ ਸਿੰਘ, ਪ੍ਰਿੰਸੀਪਲ ਹਰਭਜਨ ਸਿੰਘ, ਰਜਿੰਦਰ ਜੰਡਿਆਲੀ, ਕਰਤਾਰ ਸਿੰਘ ਵੀਰਾਨ ,ਕਮਲਜੀਤ ਸਿੰਘ ਅਤੇ ਹਰਚੰਦ ਭਿੰਡਰ ਆਦਿ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।